د افغان – شوروی جګړه

دغه کتاب د شوري اتحاد او افغانستان جګړه چې په ۱۹۷۹ کال کې پیل او په ۱۹۸۹ کې ختمه شوه، تشریح کوي. دا اثر د شوروي د رسمي اسنادو او مدرکونو، د افغانستان او شوروي اتحاد د ثانوي سرچینو، د اشغال پر وخت د لیکوال د خپل نقل قول او د کار پر وخت د شخصي مشاهداتو په اساس لیکل شوی چې یوه غوره څېړنیزه لیکنه ده. د افغان جنګیالو د مقاومت کیسې چې د مجاهدینو په نوم پېژندل کېدل، له حیرانتیا ډکې وې. دوی په داسې زړورتیا د یوې ابر قدرت اردو مقابله وکړه چې مشرانو یې فکر کاوه چې دا جګړه به په ډېر کم وخت کې وګټي؛ مګر هغوی یې ګوته په غاښ کړل. په افغانستان کې د شوروی اتحاد ماتې د نړۍ لپاره سترې پایلې درلودې چې یوه یې په ۱۹۹۱ کال کې خپله د شوروي امپراتورۍ ټوټه کېدل و.