د ۲۰۲۱ کال د سپټمبر له ۱۱مې نیټې وړاندې له افغانستان څخه د امریکایي او نړیوالو ځواکونو د وتلو په هکله د تېرې میاشتې اعلان؛ له څلور لسیزې دوامدارې مناقشې وروسته، د دې هېواد د راتلونکي په هکله شدید بحثونه راپورته کړي دي.
د امنیتي وضعیت کړکېچن کېدو، د نړیوال تعامل د کچې په هکله د ډاډ نه شتون او سیاسي بې ثباتۍ؛ د سولې ماتېدونکې پروسې او د پایداره سیاسي حل و فصل لیدلوریو ته جدي خطرونه پېښ کړي دي. ډېری شنوونکو، اوسنۍ دوره په ۱۹۸۹م کال کې له افغانستانه د شوروي ځواکونو له دورې سره پرتله کړې ده؛ چې له هغې دورې وروسته، کلونو کورنۍ جګړې او د طالبانو حکومت ته په کتو، یوه ګواښوونکي موازي ده.
دا موضوعات د هغه کتاب په زړه کې ځای شوي چې په دې وروستیو کې د کاکړ تاریخ بنسټ او آسیا زړه ټولنې له لوري د “In Search of Peace for Afghanistan: Historical Letters of President Najibullah and Dr. M. Hassan Kakar — A Collection of Essays.” (په پښتو، افغانستان ته د سولې په لټه کې: د جمهور رئیس نجیب الله او ډاکټر محمدحسن کاکړ تاریخي لیکونه، د مقالو مجموعه) تر عنوان لاندې خپور شوی دی. د مقالو یاده مجموعه هغه لیکونه او د ننني افغانستان لپاره د هغوی درسونه په پام کې نیسي چې د پخواني جمهور رئیس او برجسته افغان څېړونکي ترمنځ د شوروي وروسته افغانستان، د راتلونکي په هکله تبادله شوي دي. ځکه چې دا هېواد د امریکايي ځواکونو د وتلو په درشل کې دی.
د مقالو د دې مجموعې له څو افغان او امریکايي لیکوالو سره د بحث لپاره، د متحده ایالاتو د سولې انسټیټیوټ او د کتاب له خپرونکو سره یوځای شئ، چې د امریکايي ځواکونو د وتلو په درشل کې، د افغانستان د سیاست او له نړیوالې ټولنې سره د هغه د اړیکو په هکله بحث کوي. په ټویټر کې د (#AfghanPeace) له لارې په دې بحث کې ګډون وکړی.
ویناوال:
ښاغلی اخضر ابراهیمي، اصلي خبرې
د افغانستان او سوریې لپاره د ملګرو ملتونو مخکینی خاص استازی او د الجزایز د بهرنیو چارو پخوانی وزیر
ښاغلی ریچارډ اولسون، د پیل خبرې
د متحده ایالاتو د سولې انسټیټیوټ ستر سلاکار؛ د افغانستان او پاکستان لپاره د ملګرو ملتونو سازمان پخوانی استازی
آغلې بلقیس احمدي
د متحده ایالاتو د سولې انسټیټیوټ، د پروګرام ارشده افسره
ښاغلی رابرټ کریوس
د اسټنفورډ پوهنتون د تاریخ استاد
ښاغلی کاوون کاکړ
دکاکړ تاریخ بنسټ اجرایي مدیر
ښاغلی جانان موسی زی
په پاکستان او چین کې د افغانستان پخوانی سفیر؛ او د آسیا زړه ټولنې له بنسټ اېښودونکو څخه
ښاغلی عمر شریفي
د افغانستان د مطالعاتو امریکایي انسټیټیوټ هېوادنی مدیر
ښاغلی عمر صدر
د افغانستان امریکایي پوهنتون د سیاسي علومو همکار استاد
آغلې دیپالي موخوپادیای، مجری
د متحده ایالاتو د سولې انسټیټیوټ ستر کارپوه
مینځپانګه کاپي شوې له: USIP
